میررحمان رحمانی رییس ولسی جرگه شورای ملی در حاشیه ی نشست مجمع بينالپارلمانی امنيت دسته جمعی، (چهار شنبه، ۹ سرطان) سال روان با آقای امام علی رحمان، رییس جمهوری کشور تاجیکستان ملاقات کرد.
این دیدار که در کاخ ریاست جمهوری تاجیکستان انجام شد، دو طرف در پیوند به تهدیدات تروريزم بين المللی، مبارزه مشترک علیه گروه های افراطی داخلی و منطقه یی، خطرات ناشی از آن علیه امنیت منطقه و روند صلح افغانستان بحث و تبادل نظر کردند.
رییس ولسی جرگه از تاجیکستان به عنوان عضو کلیدی و تاثیر گذار اجماع منطقه یی یاد کرده، از ریس جمهور آن کشور خواست، تا به خاطر تامین صلح در افغانستان تلاش و تحرک بیشتر به خرچ دهند.
همچنان میررحمن رحمانی، رییس ولسی جرگه شورای ملی و هیات همراه شان ( چهارشنبه، ۹ سرطان ۱۴۰۰ ) در همان روز در حاشیه ی نشست مجمع بین الپارلمانی امنیت دسته جمعی، با آقای رستم امامعلی رییس مجلس سنای تاجیکستان دیدار کردند.
که در این دیدار رییس مجلس سنای تاجیکستان از تلاش ها و تحرکات کشورش برای تامین صلح و ثبات دایمی در کشور به رییس پارلمان افغانستان اطمینان داده گفت که حکومت و مردم تاجیکستان از صلح سراسری، رشد و توسعه اقتصادی و رفاه همگانی در افغانستان قاطعانه حمایت کرده، در این راستا از هیچ گونه سعی و تلاش دریغ نخواهد کرد.
رحمان رحمانی رییس مجلس نمایندگان، دیروز ( چهارشنبه، ۹ سرطان ) در راس یک هیات بلند پایه پارلمانی غرض اشتراک در مجمع پارلمانی سازمان پیمان امنیت دسته جمعی، که قرار است به تاریخ ( اول جولا ) در شهر دوشنبه برگزار شود، عازم کشور تاجیکستان شد.
خبرگزاری بخدی