رییس جمهور غنی وارد دوشنبه شد

ارگ در یک خبرنامه می گوید که محمد اشرف غنی رییس جمهور افغانستان صبح امروز ( دوشنبه، ۹ حمل ) در راس یک هیات عالی رتبه دولتی عازم دوشنبه پایتخت تاجیکستان شد.

این سفر دو روزه رییس جمهور غنی به منظور اشتراک و سخنرانی در نهمین کنفرانس وزرای خارجه قلب آسیا – پروسه استانبول  میباشد.

همچنان این خبرنامه می افزاید که رییس جمهور غنی و هیات همراه اش در میدان هوایی بین المللی دوشنبه ، از سوی قاهر رسول زاده صدراعظم تاجیکستان، عظیم ابراهیم وزیر ترانسپورت آن کشور و ظاهر اغبر سفیر و شماری از دیپلوماتان سفارت افغانستان در تاجیکستان، مورد استقبال قرار گرفتند.

خبرگزاری بخدی