میررحمن رحمانی، رئیس ولسی جرگه (چهارشنبه،۶ حوت) با سفیر کشور تاجیکستان دیدار کرد.
این ملاقات که در دفتر کار رئیس ولسی جرگه انجام یافت، دو طرف روی موضوعات گوناگون بحث و گفتگو کردند.
در نخست رئیس ولسی جرگه حضور سفیر تاجیکستان در خانه ملت را خیر مقدم گفته، روابط با آن کشور را در بخش های اقتصادی، ترانزیتی، سیاسی مهم خوانده و از تاجیکستان به عنوان یک عضو کلیدی اجماع منطقوی از بهر تامین صلح در کشور یاد کرد.
در این نسشت دو طرف بیشتر روی موضوعات که قرار است در سفر هفته آینده رئیس ولسی جرگه به تاجیکستان مطرح شود صحبت کرده و روی پروتوکول ها و تفاهمات دیگر در بخش های سکتوری و اقتصادی بحث کردند.
سفیر تاجیکستان گفت که مردم و دولت تاجیکستان از رئیس ولسی جرگه در تاجیکستان به گرمی استقبال خواهد کرد و این سفر را در روابط دو کشور خیلی مهم و حیاتی می خواند.
دو طرف بر تحکیم بیشتر روابط در بخش های تجارت، ترانزیت، مبارزه مشترک علیه تروریزم و مواد مخدر و تامین صلح سراسری در کشور تاکید کردند.
خبرگزاری بخدی
