محمد اشرف غنی رئیس جمهور افغانستان قبل از ظهر امروز(پنج شنبه ۲۳دلو) با امام علی رحمان رئیس جمهور تاجیکستان، صحبت تیلفونی کرد.
در این مکالمۀ تیلفونی، سران دو کشور در مورد گسترش روابط دوجانبه، پروسۀ صلح افغانستان و همکاری های منطقوی بحث و تبادل نظر نمودند.
رئیس جمهور تاجیکستان حمایت خویش را از دیدگاه ها و برنامه های حکومت افغانستان در عرصه اتصال منطقوی و پروسۀ صلح به رهبری و مالکیت افغان ها ابراز کرد.
همچنان رؤسای جمهور دو کشور بر گسترش همکاری های اقتصادی، تجارتی و سرحدی تاکید ورزیدند و رئیس جمهور تاجیکستان از رئیس جمهور غنی بخاطر اشتراک در ۲۰ مین سالگرد تاسیس سازمان همکاری های شانگهای که در تاجیکستان برگزار می گردد، دعوت بعمل آورد. به همین ترتیب هر دو جانب در مورد آمادگی ها برای کنفرانس قلب آسیا که در ماه مارچ تدویر می یابد، صحبت نمودند
گفتنی است که چند روز بعد مذاکرات بین لاافغانی روی یک آتش بس دایمی در دوحه آغاز شود اما از سوی هیت طالبان تا هنوز هیچ خبری نیست و این یک نگرانی کلان برای حکومت افغانستان میباشد.
خبرگزاری بخدی
