نشست چهارجانبه افغانستان، چین، پاکستان و نیپال فردا برگزار می شود

وزارت خارجه‌ی کشور می‌گوید که نشست چهارجانبه افغانستان، چین، پاکستان و نیپال فردا دوشنبه در سطح وزیران خارجه‌ی چهار کشور برگزار می‌شود.

گران هیواد، سخن‌گوی وزارت خارجه امروز (یک‌شنبه، ۵ اسد) گفته است که هدف از برگزاری این نشست مبارزه‌ی مشترک با شیوع ویروس کرونا، توسعه‌ی اقتصادی و گسترش همکاری‌های بین کشورهای یادشده است.

آقای هیواد همچنان گفته است که اتصال منطقوی یکی دیگر از محورهای بحث وزیران خارجه در این نشست چهارجانبه خواهد بود.

به گفته‌ی او، اتصال منطقوی از اولویت‌های عمده و اساسی سیاست خارجی دولت افغانستان را تشکیل می‌دهد.

خبرگزاری بخدی