وزارت داخله تاجیکستان اعلام کرده که 15 عضو گروه داعش در نتیجه درگیری با نیروهای این کشور در مرز با ازبکستان کشته شدهاند.
گفته شده این درگیری صبح امروز (چهار شنبه، 15عقرب) در منطقه رودکی، در شصت کیلومتری شهر دوشنبه، پایتخت تاجیکستان رخ داده است.
اعلامیه وزارت داخله تاجیکستان افزوده که در این درگیری 2 سرباز امنیتی این کشور نیز کشته شده اند.
وزارت داخله تاجیکستان می گوید که ۲۰شورشی داعش، بر یک پاسگاه نیروهای مرزی تاجیکستان در این منطقه حمله کردند؛ اما پانزده تن از آنان از سوی نیروهای تاجیکستانی از پا در آمدند و پنج دیگرشان، پس از فرار به یک روستا، بازداشت شدهاند.
کمیتۀ امنیت ملی تاجیکستان، ادعا کرده که این شورشیان داعش با استفاده از تاریکی شب، از افغانستان وارد تاجیکستان شده بودند.
این در حالی است که مقامات امنیتی افغانستان نیز میپذیرد که جنگجویان داعش در ولایات شمالی کشور حضور دارند.
خبرگزاری بخدی
