مقامهای روسیه و تاجکستان به تازگی با هم توافق کرده اند که با خروج نیروهای خارجی از افغانستان، نظامیان روسیه در نقاط مرزی تاجیکستان با افغانستان تا سال 2042 مستقر شوند.
توافقنامه حضور نظامیان روسیه در نقاط مرزی تاجیکستان با افغانستان تا سال 2042، سال گذشته بین ولادیمیر پوتین و امامعلی رحمان رییس جمهور تاجیکستان به امضاء رسیده بود.
پس از آن، پارلمان کشور روسیه هم این توافقنامه را به تصویب رساند.
اما امضای این توافقنامه از سال گذشته بدین سو بین پارلمان و دولت تاجیکستان حل ناشنده باقی مانده بود بلاخره مجلس نمایندگان تاجیکستان بعد از رایزنی های مختلف، بین خود و دولت شان، این توافقنامه را روزگذشته(سه شنبه ده میزان) تصویب و نهایی کردند.
با نهایی شدن این توافقنامه، ده ها”نظامی 201 روسیه”، از اول جون سال 2014، تا سال 2042 در نقاط مرزی تاجیکستان با افغانستان مستقر میشوند.
بر اساس این توافقنامه، بعد از سال 2042 در صورت توافق پارلمان روسیه و تاجیکستان، حضور نظامیان روسیه در نقاط مرزی تاجیکستان با افغانستان، برای هر پنج سال باز هم تمدید خواهد شد.
روسیه در قبال حضور نظامی خود در تاجیکستان، با مهاجران تاجیک در روسیه همکاری جدی خواهد کرد.
ارسال مواد سوختی بدون مالیات از روسیه به تاجیکستان نیز از جمله دیگر تعهدات مسکو به دوشنبه است.
روسيه هم اکنون یک پایگاه نظامی در تاجیکستان دارد که در آن 5 هزار نیروی نظامی این کشور حضور دارند و آنان همچنان با مدرن ترین امكانات نظامی مجهز هستند.
اخیراً برخی سران کشورهای آسیای میانه و بخصوص تاجیکستان از خروج نیروهای خارجی در سال 2014 از افغانستان اظهار نگرانی کرده اند.
آنان تاکید دارند که با خروج نیروهای خارجی از افغانستان، شورشیان قدرتمند میشوند و امنیت کشورهای آسیای میانه را با به مخاطره می اندازند.
اما آیساف بارها اعلام کرده که نیروهای امنیتی افغانستان توانایی تامین امنیت کشورشانرا دارند و تاکید دارند که آنان بعد از سال 2014 بطور کامل افغانستان ترک میکنند.
خبرگزاری بخدی
