وزارت داخله با نشر خبرنامه ای اعلام کرده است که چهارده زندانی افغان در تاجیکستان به جانب افغانستان سپرده شده اند.
در اعلامیه آمده است که این شمار از زندانیان افغانستان به جرم های مختلف در زندان های تاجیکستان محبوس بودند.
این زندانیان روز پنجشنبه به جانب افغانستان سپرده شده اند اما خبر آن امروز (یکشنبه) از سوی وزارت داخله در اختیار رسانه ها قرار گرفته است.
دلیل مشخص زندانی شدن این شهروندان افغانستان هنوز معلوم نیست اما وزارت داخله می گوید که این شمار از افغان ها به جرم های مختلف زندانی شدند.
پیشتر نیز، شماری از زندانیان افغان از تاجیکستان به دولت افغانستان سپرده شدند.
دولت های افغانستان و پاکستان، توافقنامه دو جانبه مبنی بر تبادله زندانیان شهروندان را امضا کردند.
این توافقنامه در سال 1385 امضا شد که بر اساس آمار های ارایه شده، بیش از 29 زندانی افغان و 8 تاجیکستانی تبادله شدند.
براساس این توافقنامه مدت زمان حبس شهروندان افغانستان و تاجیکستان در کشور شان سپری می شود.
گفته می شود، اخیرا رقم زندانیان افغان در کشورهای همسایه افزایش یافته است.
خبرگزاری بخدی
