حبیب الله حبیب، رییس پوهنتون کابل شد

حامد کرزی رییس جمهور کشور، به پیشنهاد وزارت تحصیلات عالی برای تغییرات در ریاست پوهنتون کابل موافقت کرده است.
پیشتر، این وزارت با ارسال نامه ای به ریاست جمهوری، پیشنهاد کرده است که حبیب الله حبیب به عنوان رییس پوهنتون کابل تعیین شود.
ریاست دارالانشای شورای وزیران، با نشر خبرنامه ای گفته که حکم ریاست جمهوری در مورد ریاست آقای حبیب امروز به وزارت تحصیلات عالی ابلاغ شده است.
پوهنوال حبیب الله حبیب، مدت سرپرست ولایت بلخ و ده سال رییس پوهنتون این ولایت بوده است.
دارالانشا شورای وزیران از او به عنوان یک شخصیت با تجربه در مدیریت سازمان های آموزشی یاد کرده است.
رییس پیشین پوهنتون کابل به سبب کهولت سن بازنشسته است.
خبرگزاری بخدی