ارگ ریاست جمهوری کشور اعلام کرده است که رییسان جمهور کشورهای افغانستان و تاجیکستان در بخش های مختلف ۵ تفاهم نامه همکاری امضا کردند.
در اعلامیه ای که امروز (دوشنبه، ۹ حمل) از سوی ارگ ریاست جمهوری پخش شده، آمده که این تفاهم نامه ها در بخش های اقتصادی، امنیتی، ترانسپورتی، فرهنگی و انرژۍ میان رییس جمهور غنی و امام علی رحمان، رییس جمهور تاجیکستان امضا شده است.
همچنان در تفاهم ای نیز میان دو طرف امضا شده است که به آنها اجازه می دهد که اعلامیه های مشترک نیز نشر کنند.
رییس جمهور غنی صبح امروز در راس یک هیات بلندپایه دولتی به تاجیکستان رفت، او در تلویزیون ملی این کشور نیز سخنرانی کرد.
هدف از این سفر آقای غنی اشتراک در اجلاس کشورهای قلب آسیا – پروسه استانبول گفته شده است.
قرار است این اجلاس فردا به میزبانی دوشنبه برگزار شود.
خبرگزاری بخدی