تاجیکستان میگوید که آماده است تا به ۱۰۰ هزار مهاجر افغان پناه بدهد.
امام علی ابراهیمزاده، معاون کمیتۀ وضعیت اضطراری و دفاع ملکی تاجیکستان دیروز (جمعه، ۲۳ جولای) گفت که اگر شمار مهاجران افغان افزایش یابد، دوشنبه از گروههای بینالمللی تقاضای کمک خواهد کرد.
ابراهیمزاده افزود که به عنوان بخشی از آمادگی برای ورود سیل از مهاجران، کار ایجاد دو انبار بزرگ مواد غذایی در منطقۀ جنوبی ختلان آغاز شده است.
به گفتۀ او، ۱،۶۰۰ افغان که در اثر جنگ وارد تاجیکستان شده بودند اخیراً در ۱۱ پرواز به افغانستان برگشتانده شده اند.
صدها افغان به شمول پولیس و دیگر نیروهای دولتی افغانستان در هفتههای گذشته به دنبال تشدید جنگ در شمال کشور به تاجیکستان و اوزبیکستان فرار کردند.
همچنان عبدالله عبدالله رییس شورای عالی مصالحه ملی در یک اعلامیه یی از امام علی رحمان رییس جمهور تاجیکستان از نیت خیرخوانه کشورش درباره افغانستان به ویژه روند صلح و تامین امنیت و ثبات سخن گفت و ابراز امیدواری کرد که افغان ها بر مصایت جاری غلبه کرده و به بحران طولانی نقطه پایان بگذارند.
آقای عبدالله از دوستی دو کشور ( افغانستان و تاجیکستان ) از زمانه های قدیم سخن گفته و ابراز قدردانی کرده است.
خبرگزاری بخدی